Er du klar for å være med å forme framtida for miljøvennleg transport?

Fjord1 er ein verdsleiande pioner i det grøne skiftet, og har som mål å være den sikraste og mest attraktive leverandøren av miljøvennleg ferje- og hurtigbåttransport i marknaden.

OSM Thome og Fjord1 ser etter deg som er klar for ei spennande stilling som kaptein eller skipsførar på ferjer eller hurtigbåtar i heile Noreg. 

Det er ledige faste heiltidsstillingar på ulike samband, og det finst òg moglegheiter som tilkallings- eller sesongvikar. 

Bli ein del av Fjord1 – Noregs største ferjerederi og ein sentral aktør i utviklinga av grøn sjøtransport.

Sentrale arbeidsoppgåver som kaptein / skipsførar

Som kaptein / skipsførar har du det øvste ansvaret for trygg og effektiv drift av fartøyet. Rolla omfattar både navigasjon, manøvrering og operativ leiing. Du skal sørgje for at ruter er godt planlagt, følgje med på vêrmeldingar og at alle tryggleikstiltak blir overhaldne. God kommunikasjon med mannskap og andre skip er ein viktig del av kvardagen.

Døme på oppgåver:

• Leiaransvar for dekksavdelinga
• Ettersyn og kontroll av navigasjonsutstyr
• Sikre at fartøyet til ei kvar tid er sjødyktig
• Bistå med ombord- og ilandkøyring av bilar og passasjerar ved behov
• Oppdatere og halde ved like vedlikehaldssystemet for dekk
• Sørgje for opplæring, fagleg utvikling og trening av mannskapet
• Kontrollere at mannskapet har korrekt verneutstyr
• Sikre at kommunikasjonsutstyr fungerer som det skal
• Følgje opp billettering og billettkontroll
• Påsjå at lasting og lossing blir gjennomført forsvarleg og effektivt

Kvalifikasjonar

• Kompetansesertifikat for dekksoffiser D1-D4
• ROC/GMDSS-sertifikat
• STCW sikkerheitskurs i samsvar med kvalifikasjonsforskrifta
• Kurs i passasjer- og krisehandtering 
• Gyldig helseattest for sjøfolk
• Meistring av eit skandinavisk språk og engelsk

Ønska personlege eigenskapar

• Solid erfaring med maritime operasjonar og leiing
• God forståing for sikkerheitsprosedyrar og regelverk
• Evne til å ta raske og gode avgjersler i krevjande situasjonar
• Gode kommunikasjonsferdigheiter og leiareigenskapar
• Evne til å jobbe tett med andre menneske over tid
• Eit positivt og stabilt humør
• Serviceinnstilt

Om jobben om bord

• Arbeidsstad: Ferjesamband i Noreg – du kan sjølv oppgi kva område som passar best for deg
• Arbeidsform: Fast heiltidsstilling, tilkallingsvikar eller sesongvikariat
• Arbeidsgivar: Fjord1 AS
• Turnus: Rotasjon, for eksempel to veker på – to veker fri (varierande etter fartøy og sambandsområde)
• Start: Etter avtale / fortløpande
• Språk om bord: Norsk/skandinavisk
• Flagg: Norsk (NOR)

Om Fjord1

Fjord1 er Noregs største ferjerederi og ein sentral aktør i utviklinga av grøn sjøtransport. Flåten er moderne og stadig i utvikling, med vekt på elektrifisering og framtidsretta teknologi.

Selskapet opererer ferjer og hurtigbåtar langs store delar av kysten, og legg vekt på tryggleik, miljø og innovasjon i alle ledd. Fjord1 har hovudkontor i Florø og regionale kontor i Bergen og Molde, og har over 1100 tilsette til sjøs og på land.

Karrieremoglegheiter i Fjord1

Ei karriere i Fjord1 gir deg høve til både fagleg og personleg utvikling. Her får du vere med å forme ein grønnare bransje – og ikkje minst få oppleve norsk natur frå første rad. Fjord1 tilbyr stillingar i fleire fylke, mellom anna Vestland, Møre og Romsdal, Rogaland, Nordland og Trøndelag.

Du blir ein del av eit selskap med store ambisjonar for framtida, men som samtidig er tett på lokalsamfunna og brukarane langs norskekysten.

Dette får du som tilsett

• Eit godt arbeidsmiljø med dyktige kollegaer.
• Ein trygg og stabil arbeidsplass
• Fagleg utvikling og karrieremoglegheiter internt
• Fleksibel skiftordning gir ein god balanse mellom arbeid og fritid.
• Gode velferdsordningar som firmaturar, personalrabattar og tilgang til firmahytter
• Du vil få sjansen til å jobbe på moderne, miljøvennlege fartøy og opparbeide deg verdifull erfaring i ein framtidsretta bransje i stor utvikling.
• Digitalt introduksjonsprogram for nytilsette
• Sosiale arrangement og fellesaktivitetar
• Norsk lønns- og pensjonsordning. Lønn vert gitt etter overenskomst mellom NHO Sjøfart, og Norsk Sjøoffiserforbund.

Slik søker du

• Klikk på "Apply Now" og opprett ein jobbprofil i OSM Thome sitt rekrutteringssystem
• Last opp gyldige kursbevis og sertifikat – ha desse klare
• Hugs å legg ved oppdatert CV

Aktuelle kandidatar vil bli kontakta av Fjord1 etter gjennomgang av søknader.

Fjord1 og OSM Thome samarbeider om rekrutteringa, og aktuelle kandidatar vil bli kontakta av Fjord1.

Vi ser fram til å motta søknaden din, og håpar å kunne tilby deg spanande jobbmoglegheiter i Fjord1!

Foto: Fjord1